Памылкі (?) ў Нацыянальнай бібліятэцы.

[Aelina]

Пытанне да ўсіх! Зараз, не чытаючы далей, перакладзіце на беларускую мову "открыть двери на себя" альбо "открыть двери к себе".

Пераклалі? Што атрымалася? У мяне і ва ўсіх маіх знаёмых (у тым ліку школьных настаўнікаў беларускай мовы і каледжскіх выкладчыкаў беларускай мовы) атрымаўся толькі адзін варыянт - "адчыніць дзверы да сябе" альбо "адчыніць дзверы на сябе". У абодвух варыянтах нават думкі не ўзнікла, што можа быць інакш, як родны склон і прыназоўнік да ці на.

А вось разумныя людзі ў Нацыянальнай бібліятэцы вынайшлі нейкі слоўнік, згодна з якім наштампавалі шыльдаў на дзверы - "К САБЕ". У мяне, як настаўніцы, першая была рэакцыя - ўзяць чырвоную асадку і выправіць. Потым засумнявалася. Пачала шукаць па слоўніках. Дакладнага перакладу не знайшла. Толькі тлумачэнні наконт ужывання канструкцыі з прыназоўнікам "к" - яны ў беларускай мове не ўжываюцца, замяняюцца прыназоўнікам "да" і мажлівыя толькі ў аўтарскіх тэкстах (часцей вершаваных).

Зварот электронным лістом у бібліятэку з просьбай патлумачыць даў вынік такі - мне напісалі выданне слоўніка з невядомым аўтарам 2006 года выдання (я так зразумела, нейкі надта разумны малады чалавек склаў, разумнейшы за класікаў мовы), які я так і не змагла вынайсці. Можа, дрэнна шукала.

Таму просьба да ўсіх Вас - папытайце ва ўсіх вядомых Вам настаўнікаў, выкладчыкаў, філолагаў, студэнтаў філалагічных факультэтаў - як правільна перакласці "к себе"! Абавязкова са спасылкай на навуковую літаратуру. Не магу паверыць, што правільна сапраўды "к сабе"...

Comments

[Ora]

вы далеко не первая, кто обращает на это внимание и пишет различные жалобы/письма и т.п.

начальство решило, что нужно "к"... похоже, вряд ли что-то изменится

[Wizard of the North]

тлумачэнні наконт ужывання канструкцыі з прыназоўнікам "к" - яны ў беларускай мове не ўжываюцца, замяняюцца прыназоўнікам "да" і мажлівыя толькі ў аўтарскіх тэкстах (часцей вершаваных).

У мяне толькі такі варыянт і ўзнік. Ніякіх там «к сабе» і нават «на сябе» пад пытаннем.

[Надзея Кропачка]

З прыназоўнікам "к" - хутчэй дыялектызм які-ніць. Месцамі нават мілы. Але ўсё-ж бібліятэка, як афіцыйная ўстанова, мусіць карыстацца літаратурнымі нормамі. =/
І ніякіх (?).

[Aelina]

Калі вынайсці спасылку на слоўнік, даведнік - можна будзе праз той жа ТБМ дабіцца выпраўлення гэтай дурасці. Проста сорамна быць беларусам ў краіне, дзе на шыльдах - арфаграфічныя памылкі.

Падключайце сваіх знаёмых, народ!